3/28/11

கூகுள் குரோம் குறள் வெண்பாக்கள்

|
நமது வாழ்வில் இணையம் இரண்டறக் கல்ந்துவிட்ட இன்றைய சூழலில், இணையத்தளங்களைப் பார்க்க உதவும் ப்ரௌசர்கள் இணையத்தில் உலவுபவர்களின் தேவைக்கேற்பவும், ரசனைக்கேற்பவும் தொடர்ந்து மாற்றத்துக்குள்ளாகின்றன.மோட்டார் பைக்குகள், கார்கள்,ஆடை அணிகலன்கள்,மொபைல்போன்கள் போன்றவை பயனீட்டாளர்களை எவ்விதம் ஈர்க்கின்றன என்பதை அறிந்து அவற்றை உற்பத்தி செய்பவர்கல் தமது தயாரிப்பை உலகச் சந்தையில் நிலைநிறுத்த என்னென்ன உத்திகளைக் கையாளுகிறார்களோ, என்னென்ன புதுமைகளிப் புகுத்துகிறார்களோஅதே போன்றுதான் கண்ணீப் பயனீட்டாளர்களை ஈர்த்து விட அவை சார்ந்த நிறுவனங்கள் துடிதுடிக்கின்றன.உற்பத்தியாளர்களிடையே போட்டி மிகுவது பயனீட்டாளர்களுக்குத்தான் நல்லது.விலைக்குறைவும்,  சிறந்த தரமும் வாய்க்க இது வழிகோலுகிறது.அந்த வகையில் ப்ரௌசர்களிடையே நிலவும் போட்டியானது, பலவித மேம்படுத்தப்பட்ட வசதிகள் பயனீட்டாளர்களுக்குக் கிடைக்க வசதி செய்கிறது. ஏதேனும் புதுமைகளைப் புகுத்த ஒவ்வொரு நிறுவனத்திலும் ஒரு நிபுணர்குழு மூளையைக் கசக்கிப் பிழிந்து கொண்டேதான் இருக்கிறது.
ஐந்தாண்டுகளுக்கு முன்பு ப்ரௌஸ் செய்ததையும் இன்ற்ய் செய்வதையும் ஒப்பிட்டுப் பார்த்தால் எவ்வளவு தூரம் ப்ரௌசர்கள் மேம்படுத்தப்பட்டிருக்கின்றன என உணர முடியும்.ப்ரௌசர்களைப் பொறுத்தவரையில் பயனீட்டாளர்களின் எதிர்பார்ப்பில் வேகமும் , பாதுகாப்பும்தான் முதலில் நிற்கின்றன.காத்திருப்பையும், காலவிரயத்தையும் தவிர்க்க எந்த விலையையும் கொடுக்கத்தயாராகிவிட்ட மனநிலைக்கு நாம் வந்துவிட்டோம்.உலகம் அகாய விமானத்தில் போகும்போது நாம் மட்டும் மாட்டுவண்டியில் போக விரும்புவதில்லை.அத்தகைய சூழலில் கணினி உலகின் பல துறைகளில் கோலோச்சி வரும் கூகுள் நிறுவனத்தின் குரோம் ப்ரௌசர் குறிஅந்த காலத்தில் பெருமளவு வாடிக்கையாளர்களைக் கவர்ந்துள்ளதாக்கப் புள்ளி விவரங்கள் தெரிவிக்கின்றன.
அதில் அப்படி என்னதான் இருக்கிறது என எட்டிப் பார்த்த நாளிலேயே அதன் தீவிர ரசிகனாகிவிட்டேன். இணையப் பக்கங்களைத் திறப்பதில்குரோம் காட்டும் அதிவேகம், அழையா விருந்தாளிகளுக்கு அனுமதி மறுக்கும் பாதுகாப்பு, முழுத்திரைக்காட்சி (full screen view) யைப்போன்று இணையப்பக்கங்களுக்கு அதிக இடம் தரும் எளிமையான தோற்றம், எளிமையான பயன்பாடு, ஆகியவைதான் குரோமின் வெற்றிக்குக் காரணம் என நினைக்கிறேன்!

போகு மிடமெல்லாம் போற்றுவேன் ஈடில்லாக்
கூகுள் குரோமைக் குறித்து.

குறையொன்று மில்லை குரோமிருக்கத் தானே
மறையென்றால் நெட்டே மதம்.

சொடுக்கும் நொடியில் தளங்களைக் கண்டு
அடுக்கும் மலைவான் அளவு.


பிங்கோ பிறவோ எதிலுமே தேடுபொறி
எங்கோ பறக்கும் எழுந்து.

இளமை புதுமை இனிமை எளிமை
வளமை குரோமின் சிறப்பு.

விடைதான் உலவிட வேகமாய் இணையக்
கொடைதானக் கூகுள் குரோம்


வாக்களிப்புப் பட்டைகள்

5 கருத்துக்கள் வந்துள்ளன. நீங்களும் சொல்லலாமே!:

thoduvaanam said... 29/3/11 4:14 AM

naveena thiruvalluvaro thangal vazhthukkal

senkunroor said... 30/3/11 12:08 AM

kalkkunga

lakshmana said... 7/5/11 10:42 AM

அடேஙகப்பா

cheena (சீனா) said... 19/3/13 6:37 PM

அன்பின் ரஜனி பிரதாப் சிங் - குரோம் உலவி பற்றிய குறள் வெண்பாக்கள் அருமை .

இளமை புதுமை இனிமை எளிமை
வளமை குரோமின் சிறப்பு.

மிக மிக இரசித்தேன் குறள்களை

நல்வாழ்த்துகள் - நட்புடன் சீனா

cheena (சீனா) said... 19/3/13 6:38 PM

வலைச்சர அறிமுகம் மூலமாக் இங்கு வந்தேன் - நல்வாழ்த்துகள் - நட்புடன் சீனா

தமிழில் தட்டச்சு செய்யஇங்கே சொடுக்கவும் தட்டச்சு செய்த பின் அதை Copy செய்து இங்கே Past செய்யவும்

Post a Comment

நன்றி நண்பரே..! மீண்டும் தங்களின் வருகையை ஆவலுடன் எதிர்பார்க்கிறேன்!

உடன் வருபவர்கள்

மின்னஞ்சல் மூலம் பதிவுகளைப் பெறலாம்

இங்கே உங்கள் மின்னஞ்சல் முகவரியைப் பதியவும்:

Delivered by FeedBurner

கூகுள் குரோம் பிரௌஸரில் இந்த வலைப்பூ நன்கு விரியும்!

Copyright © 2010 செழுங்காரிகை

Template N2y Shadow By Nano Yulianto