9/22/11

முத்தத்துவம் -இரண்டாம் பகுதி

|

 முத்தத்துவம் என்ற தலைப்பில் எனது சூரல் பம்பிய சிறுகான் 
யாறு நூலில் நான் எழுதிய முப்பது வெண்பாக்களை ஐந்தைந்து பாக்களாகப் பதிவேற்றுகிறேன். இது இரண்டாம் ஐந்து பாக்கள்!












































பாகிடை ஊறும் பழக்கீற் றுதட்டாளே
போகிறது மெல்லப் பொழுதெலாம் - ஆகவே
புத்தம் புதுப்பூவே போதும் அணைத்தென்னை
முத்த்தத்தால் காதல்தீ மூட்டு!


கள்வடியும் பூவிதழ்க் காரிகை யைக்கைகளில்
அள்ளினேன் பந்துபோல் அப்படியே - துள்ளும்
இதழில் கவிதை எழுதினேன் சொர்க்கக்
கதவும் திறந்தது கண்டு!


மதுவூறும் மல்லிகையோ மன்மதனின் அம்போ
அதுதேவர் தந்த அமுதோ - இதழ்தான்
அடடா அடடா அருந்தி மயங்கிக் 
கிடந்தேன் கிறங்கிக் கிளர்ந்து!


பனிமுத்தம் இட்டாள் பளிங்குச் சிலையாள்
இனிப்புத்தேன் சொட்டும் இதழால் - இனியென்

பிணிதீரும் ஏழு பிறப்பிலுமம் முத்தம்
மனத்துயர் போக்கும் மருந்து!


பத்துமுறை மண்ணில் பிறந்தாலும் தேன்முத்தத்
தித்திப்பென் றுஞ்சென்று தீராது - புத்தியில்
நித்தமும் அந்த நினைவேதான் நீதந்த
முத்தத்தில் வாழ்கிறதென் மூச்சு!                     
                                                                                                        (தொடரும்)

வாக்களிப்புப் பட்டைகள்

5 கருத்துக்கள் வந்துள்ளன. நீங்களும் சொல்லலாமே!:

முனைவர்.இரா.குணசீலன் said... 22/9/11 9:54 PM

பாலொடு தேன்கலந் தற்றே பணிமொழி
வாலெயிறு ஊறிய நீர்.

என்ற வள்ளுரின் கவிதை நினைவுக்கு வந்தது நண்பா..

lakshmana said... 23/9/11 10:27 PM

இனிய வரிகள். முத்தத்தின் தித்திப்பு அருமை

lakshmana said... 23/9/11 10:28 PM

இதழில் கவிதை எழுதினேன் சொர்க்கக்
கதவும் திறந்தது கண்டு!
super

lakshmana said... 23/9/11 10:30 PM

வெண்பா முத்தம் நன்று

Anonymous said... 26/9/11 12:11 AM

முத்த்தத்தால் காதல்தீ மூட்டு!


fine

தமிழில் தட்டச்சு செய்யஇங்கே சொடுக்கவும் தட்டச்சு செய்த பின் அதை Copy செய்து இங்கே Past செய்யவும்

Post a Comment

நன்றி நண்பரே..! மீண்டும் தங்களின் வருகையை ஆவலுடன் எதிர்பார்க்கிறேன்!

உடன் வருபவர்கள்

மின்னஞ்சல் மூலம் பதிவுகளைப் பெறலாம்

இங்கே உங்கள் மின்னஞ்சல் முகவரியைப் பதியவும்:

Delivered by FeedBurner

கூகுள் குரோம் பிரௌஸரில் இந்த வலைப்பூ நன்கு விரியும்!

Copyright © 2010 செழுங்காரிகை

Template N2y Shadow By Nano Yulianto