11/14/11

7

தூங்குவது என்னவோ நீதான்!

|
#இரவுகளில்
உன் நினைவுகள்
என்னைத் தாலாட்டிக்கொண்டே இருக்கின்றன.
ஆனால்
தூங்குவது என்னவோ நீதான்!

#இறுக்கமான
உனது ஆடைகளின் மீது
எனக்குப்
பொறாமையாக இருக்கிறது.
மேலும் படிக்க இங்கே சொடுக்கவும்!

3

தூய தமிழ்ச்சொற்கள்

|
தூய தமிழ்ச்சொற்களை அறிமுகப்படுத்துவதே இப்பதிவின் நோக்கம். தமிழில் கலந்திவிட்ட பிறமொழிச்சொற்களுக்கான தமிழ்ச்சொற்களை இங்கு தருகிறோம். குறையிருப்பின் சுட்டுக. நண்பர் கோவிகண்ணனுக்கு நன்றிகள்!
வதை - துன்புறுத்து
நித்திரை - உறக்கம் , தூக்கம்
ஞானம்- அறிவு
சதம்- நூறு
சதவிகிதம் - விழுக்காடு
ஐதீகம் - நம்பிக்கை, மரபு, பழைமை
ஆசாரம் - ஒழுக்கம், வழக்கம், நெறி
பரிசுத்தம் - தூய்மை
சரித்திரம் - வரலாறு 
மேலும் படிக்க இங்கே சொடுக்கவும்!

11/10/11

4

என்ன மாயம் செய்தாய்?

|
வெட்கம் ததும்பி வழிய
"போடா' என்ற
ஒற்றைச்சொல்லை
எறிந்துவிட்டுப்போனாய்!
அதன் பிறகு
கடிகாரத்தின் டிக்டிக் ஒலிகூட
எனக்குப் போடா என்றுதான் கேட்கிறது!





விக்கல் எடுக்கிறது உனக்கு!
தண்ணீர் தரக்கூடத் தோன்றாமல்
'உம்' கொட்டிக் கொண்டிருக்கிறேன் நான்!
மேலும் படிக்க இங்கே சொடுக்கவும்!

3

தூய தமிழ்ச்சொற்கள்

|

அன்புத்தமிழர்களே , தமிழ்ச்சொற்களை இனங்காண இப்பதிவு உதவக்கூடும் . பிழையிருப்பின் சுட்டுக, 
தூய தமிழ்ச்சொற்கள்
பரம்பரை - தலைமுறை
தீர்க்கம் - ஆழமான, உறுதியான,முழுமையான
சுகம் - நலம்
நியதி - நெறி , முறைமை
மர்மம் - புதிர்
சமீபம் - அண்மை
மதியம் - நண்பகல், உச்சி
புளகாங்கிதம் - பெருமகிழ்ச்சி
தானம் - கொடை
மேலும் படிக்க இங்கே சொடுக்கவும்!

11/3/11

4

ஏனிந்தக் கொலைவெறி?

|


இன்றைய கல்விமுறை எத்திசையில் போகிறது என்பதற்கு விடைகள் பலவுண்டு.கல்வி என்பது வயிற்றை நிரப்பும் வழி மட்டும் அன்று, . அது மனிதனை மனிதனாக்கும் ஒன்று என்பது பலருக்கும் தெரியுமோ என்று புரியவில்லை. இன்றைய பள்ளிக் குழந்தைகளைப் பார்த்தால் ஒன்று மட்டும் உறுதியாகத் தெரிகிறது.எதிர்காலத்தில் பணம் சம்பாதிக்கும் இயந்திரங்களாகத்தான் அவர்கள் உருவாக்கப்படுகிறார்கள்.
காலையில் ஒரு தம்ளர் பால் மட்டும் அருந்திவிட்டுப் பள்ளி செல்லும் எத்தனையோ குழந்தைகளை நான் பார்த்திருக்கிறேன். மீறினால் ஓரிரண்டு இட்லிகள் அல்லது பிரட் துண்டுகள் அதனுடன் உண்பார்கள்.   மதிய உணவாக டப்பவில் அடைக்கப்பட்ட ஜங்க் வகை உணவு.மாலையில் ஏதேனும் கொறித்துவிட்டு ட்யூஷன்.   "மாலை முழுதும் விளையாட்டு " என்று பாடினார் பாரதியார். மாலையில் பள்ளி விட்டதும் குறைந்தது ஒருமணி நேரமாவது விளையாடுவது என்பது குழந்தைகளில் எத்தனை பேருக்கு வாய்க்கிறது?சக வயதுக் குழந்தைகளோடு சுதந்திரமாக விளையாடுவது எவ்வளவு பயனுள்ளது என்பது பலருக்கும் புரிவதில்லை. உடற்பயிற்சியின் நன்மைகள் மட்டுமின்றி குழு மனப்பான்மை , தலைமைப்பண்பு, வெற்றி தோல்விகளை ஏற்றுக்கொள்ளும் பக்குவம், என எத்தனையோ பண்புநலன்களை  விளையாட்டுக்கள் கற்றுத்தரும். வெறும் வாய்பாடுகள், வினாவிடை, சூத்திர மனனங்கள் மதிப்பெண் பெற உதவுமே தவிர வாழ்வுசார் அனுபவங்களைக் கற்றுத்தரா. வாய்பாடுகளும் வினாவிடைகளும் வேண்டாமென்று சொல்லவில்லை. பள்ளியில் காலை யில் இருந்து அதைத்தானே கற்கிறார்கள்? பிறகு எதற்கு ட்யூஷன்? பெற்றோர்கள் வீட்டுப்பாடத்தை மேற்பார்வையிட வாய்ய்ப்புகள் இல்லாத போது ட்யூஷன் வேண்டும்தான். எனில் அதனை ஆறு மணிக்கு மேல் வைத்துக் கொள்ளலாமே!
 " முற்றாத பிஞ்சு மூளைக்குள்ளே வந்தவன் போனவன் வைக்கோல் திணித்ததில் " என்பார் கவிப்பேரரசு வைரமுத்து. குழந்தைகளின் கல்வி இன்றியமையாததுதான் , ஆனால் விளையாட்டுகளும் உடர்பயிற்சியும் சேர்ந்ததுதான் முழுக்கல்வி என்பதை நம்மில் பலரும் உணரவில்லை என நினைக்கிறேன். மதிப்பெண் நோக்கக் கல்வியில் நாம் காட்டும் அக்கறையை சரிவிகித உணவும், நல்ல ஓய்வும், போதுமான உடற்பயிற்சியும் வழங்குவதில் நம்மில் பலரும் காட்டுவதில்லை என்பதே உண்மை!
மேலும் படிக்க இங்கே சொடுக்கவும்!

உடன் வருபவர்கள்

மின்னஞ்சல் மூலம் பதிவுகளைப் பெறலாம்

இங்கே உங்கள் மின்னஞ்சல் முகவரியைப் பதியவும்:

Delivered by FeedBurner

கூகுள் குரோம் பிரௌஸரில் இந்த வலைப்பூ நன்கு விரியும்!

Copyright © 2010 செழுங்காரிகை

Template N2y Shadow By Nano Yulianto